news

Facebook wan dash N500m to small businesses in Nigeria wey Covid 19 affect – See how you fit apply – BBC News Pidgin

26 August 2020

Facebook Grant

Facebook dey accept applications from Nigerians starting from 2pm on 24 August 2020 to 5pm on 04 September 2020 for di N500m grant wey di social networking site wan dash to support 781 small businesses inside Nigeria.

Dis Facebook grant na part of di $100m Global Grants Program wey aim to support 30,000 SMEs for over 30 kontris and na only Nigeria and South Africa Facebook select inside Africa to enjoy dis dash moni.

Facebook Small Business Grants Programme for Nigeria plan to sash 400,128 Naira in cash grants and 240,077 Naira in ad credits to help small businesses wey Covd 19 kpafuka in Nigeria during dis challenging time.

Facebook Grant

To qualify for di Facebook grant you must get di following

• Your own na for-profit business (alias you open shop to make money)

• Your business get between 2 and 50 employees

• You go don dey in business for over a year

• Your business go don experience challenges from COVID-19

• Be in or near a location wia Facebook dey operate

Facebook Grant

Documents wey you go need for Facebook grant

  • Wen you dey complete your application, you go dey required to supply your most recent financial statements or accounts along wit legal document wey prove say your business don dey established for at least one year; ie. your annual tax return, business registration document (CAC documents), business licence or partnership agreement.
  • You go also make sure say you provide full financial statements or accounts for your business. At least, di financial statements you go provide suppose include one balance sheet and anoda income statement/profit or loss statement. A balance sheet go normally show summary of all of your business’ properties and liabilities; ie cash, balances due from your customers, loans wey your business dey owe, buildings owned by your business, stock held by your business etc.
  • You suppose get income statement/profit or loss statement includes a summary of your income, expenses and profit for a year. Abridged financial statements or accounts will not be accepted.Wen Facebook ask you to submit am for dia portal, abeg upload these two documents in a PDF format.
  • Know say dem fit ask may be asked to provide further documents at a later stage in the process.

Di application go start from 2pm on 24 August 2020 to 5pm on 04 September 2020.

Facebook Grant

Wia to apply for Facebook grant and how to upload your application

Adaora Ikenze wey be di Head, Public Policy (Anglophone West Africa) for Facebook say na Deloitte be dia partner for di Facebook grant.

So if you get any kwesion Facebook want make you contact [email protected] You go put di name of your kontri wia you dey live inside your email subject header. Di helpdesk go dey available from 8am to 5pm, Monday to Friday, according to Facebook.

Click here to APPLY to begin di application process for di Facebook grant.

Related posts

New this week: ‘Mulan,’ Bill Ocean music, NBC’s ‘Transpalnt’ | Federal News Network

dash

DASH Regulatory Technologies Launches SaaS-Based Version of Regulatory Capital Compliance Suite

dash

Police appeal after woman ‘struck by a car’ in Alvaston

dash

This website uses cookies to improve your experience. We'll assume you're ok with this, but you can opt-out if you wish. Accept Read More